05 августа 2011 г.
Августăн 13-мĕшĕнче Чăваш Республикин культурăн тава тивĕçлĕ ĕçченĕ, Митта Ваçлейĕ премийĕн лауреачĕ, ЧР тата РФ Журналистсен союзĕсен, ЧР Профессионал писательсен союзĕн членĕ, паллă сăвăç, куçаруçă, журналист Петр Николаевич Кузьмин – Петĕр Çăлкуç «3.05.1952 – 13.08.2010 ç.ç.» пиртен ĕмĕрлĕхех уйрăлса кайнăранпа çулталăк çитет.
Шăпах çав кун 13.00 сехетре сăвăç-журналист çуралнă çурт çине «Канаш районĕнчи Кивĕ Шелттем ялĕ» Асăну хăми çирĕплетеççĕ.
Çавна май Канаш районĕн тата Çĕнĕ Шелттемпе Кивĕ Шелттем ялĕсен администрацийĕсем Петĕр Çăлкуçа пĕлнĕ ĕçтешĕсене, юлташĕсене, ентешĕсене çак сăваплă ĕçе хутшăнма йыхравлаççĕ.