18 мая 2011 г.
Ульяновск облаçĕнче Чăваш Республикин Культура кунĕсене тата Пĕтĕм Раççейри Акатуя ирттеме хатĕрленсе ĕç ушкăнĕ тĕп ыйтусене сÿтсе явнă.
Чăваш Енĕн Ульяновск облаçĕнчи Культура кунĕсем июнĕн 1-мĕшĕнче пуçланаççĕ. Акатуй вара июнь уйăхĕн 4-мĕшĕнче пулать. Ăна Ульяновскри Ленин тÿремĕнче йĕркелĕç. Кунта Раççейĕн тĕрлĕ регионĕнчен, чикĕ леш енчи икĕ çĕршывран килекен чăваш диаспорисем вăйă картине пĕрлешĕç.
Чăваш Енрен Ульяновск облаçне июнь уйăхĕн 3-мĕшĕнчех 14 пултарулăх коллективĕ тата 20 спортсмен тухса каймалла. Тепĕр кунне унта республика районĕсенчи артистсем, ал ăстисем, общество апатланăвĕн предприятийĕсем çитĕç.