16 марта 2011 г.
• Мартăн 11-мĕшĕнче Чăваш Ен Президенчĕ Михаил Игнатьев Раççей Правительствин председателĕ Владимир Путин сывлăх сыхлавне модернизацилес тата çĕршыв субъекчĕсенче хальхи перинаталь центрĕсен строительствин регион программисене пурнăçлас ыйтупа ирттернĕ видеоконференцие хутшăннă.
• Ĕнер Чăваш Ен Президенчĕ Михаил Игнатьев ертсе пыракан делегаци официаллă визитпа Тутарстан Республикине кайнă. Унта республикăсен хушшинче туслăх тата экономика, наукăпа техника, культура енĕпе çыхăну тытасси çинчен килĕшÿ тунă.
• Иртнĕ эрнере ЧР Президенчĕ М.Игнатьев Шупашкарти электромеханика колледжне çитсе курнă. Кунта вăл вĕренÿпе производство мастерскойĕнче, управление автоматизацилес тытăмăн специалисчĕсене хатĕрлекен тата электроника центрĕсенче пулнă. Çавăн пекех студентсемпе уçă калаçу ирттернĕ, вĕсен ыйтăвĕсене хуравланă.
• Чăваш Республикин Президенчĕн Администрацийĕн Ĕç йĕркелÿ управленийĕпе республикăри Муниципалитет пĕрлешĕвĕсен ĕç тăвакан канашĕ тата Шупашкар хула депутачĕсен Пухăвĕ пĕрле ирттернĕ муниципалитет районĕсен тата хула округĕсен пуçлăхĕсен палатин пĕрремĕш ларăвĕ иртнĕ.
• Çак эрнере республикăри вĕренÿ учрежденийĕсенче уйрăм программа тăрăх «Çамрăксем - сывă пурнăç йĕркишĕн» акци иртет.
• Чăваш Республикинчи халăха патриотла воспитани парас тĕлĕшпе ведомствăсем хушшинчи комисси йĕркелеме палăртнă.
• Паян - пĕрлехи информаци кунĕ.
• Чĕмпĕрте иртекен пĕтĕм Раççейри «Акатуй» чăваш наци уявĕпе Чăваш Республикинчи Культура кунĕсене хатĕрленсе ирттерес енĕпе ыран йĕркелÿ комитечĕн ларăвĕ пулать.
• Мартăн 17-мĕшĕнче Шупашкарти оперăпа балет театрĕнче пĕтĕм тĕнчери XV балет фестивалĕ уçăлать.
• Чăваш Республикинчи районсемпе хуласенче туберкулезпа кĕрешес тĕлĕшпе мартăн 20-мĕшĕнче «Белая ромашка» акци иртмелле.