04 марта 2011 г.
Чăваш Енре çуркунне хальчченхинченăшăрах пулмалла.
Март çанталăк вылянса тăнипе асра юлĕ: сивĕ те пулĕ, ăшă та. Пĕрремĕш вунă кунлăхра кăнтăрла – 0... 5 градус, çĕрле – 3... 2 градус сивĕ, юр çусах каймĕ. Иккĕмĕш вунă кунлăхра каçпа 16 градус таран сивĕтме пултарать. Уйăх варринче кăштах юр çумалла. Виççĕмĕш вунă кунлăхра кăна 3 градус таран ăшăтма пуçлать. Уйăх вĕçĕнче хĕвеллĕ те ăшă кунсем пулĕç.
Апрель – сивĕ те типĕ уйăх, хальчченхинчен 2-3 градус сивĕрех пулать. Пĕрремĕш вунă кунлăхра – сивĕ, кăнтăрла та 5 градус кăна ăшă. Иккĕмĕш вунă кунлăхра юр хăвăрт ирĕлме пуçлать: кăнтăрла 2...7 градус ăшă, каçпа – 0...–5. Çав вăхăтрах хĕвеллĕ те типĕ пулать. Çакнашкал çанталăк уйăх вĕçленичченех тăрĕ. Юлашки темиçе кунта сывлăш температури 13...18 градус таранах ăшăнать.
Май ăшă та çумăрлă пулмалла. Пĕрремĕш вунă кунлăхра – 21... 26 градус ăшă, çумăр çăвать. Иккĕмĕш вунă кунлăхра та çумăр çусах тăрĕ, çуллахи пекех ăшă пулĕ. Виççĕмĕш вунă кунлăх-ра кăнтăрла 19... 24 градус ăшă пулĕ. Çумăр сахалтарах çăвĕ.