Публикации » Улшăнусем кĕртнĕ

11 февраля 2011 г.

Пенсин патшалăх хушма тÿлев программи тăрăх взнос хывмалли бюджет классификацийĕн кодне улăштарнă. Тÿлеве хăйсем тĕллĕн банк урлă куçаракан уйрăм çынсен тата вĕсемшĕн ĕçпе тивĕçтерекенсем шалуран хывакан квитанцире – 392 1 02 02041 06 1100 160, хăйсен укçине куçаракансен 392 1 02 02041 06 1200 160 кăтартмалла. Çĕнĕ квитанци формине пенси фончĕн сайтĕнчен илме пулать http://www.pfrf.ru.sofinans–recvez/. Взноса кăçал кивĕ йĕркепех куçаракансен тÿлев докуменчĕн копине тăратма тивет.

Патшалăхăн хушма тÿлев программине хутшăнни пулас пенсие пысăклатма май парать. Çын çулталăкне 2 пин тенкĕ хывсан патшалăх та уншăн çавăн чухлех укçа хывать. Çак программăна хутшăнма кăмăл тăвакансен заявленийĕсене 2013 çулхи октябрĕн 1-мĕшĕччен йышăнаççĕ. Взноса банк е предприяти бухгалтерийĕ урлă та тÿлеме юрать.