11 февраля 2011 г.
Кăçал нумайăшне çĕр улми вăрлăхĕ туянасси пăшăрхантарать. Ял çыннисене йывăрлăхран тухма çитес вăхăтра иртекен курав пулăшма пултарĕ. Шупашкарта февралĕн 17-19-мĕшĕсенче «Çĕр улми, пахча çимĕç - 2011» ятпа иртĕ вăл. Шăпах унта вăрлăхлăх çĕр улмипе пахча çимĕç туянма пулать. Чăваш Республикин ял хуçалăх министерствинчен пĕлтернĕ тăрăх МТВ-центр йĕркеленĕ ятарлă вырăнта Комсомольски, Вăрнар, Патăрьел, Муркаш, Элĕк, Çĕрпÿ, Вăрмар, Красноармейски, Елчĕк районĕсенчи ял хуçалăх таварĕ туса илекенсемпе фермер хуçалăхĕсем, çавăн пекех ЧР Апат-çимĕç фончĕ суту-илÿ ирттерĕç. Малтанлăха палăртнă тăрăх вăрлăх çĕр улмин пĕр килограмĕ 38 тенкĕрен иртмелле мар.