Публикации » Финал - Çĕмĕрле районĕнче

Кăçалхи V спорт вăййисене февралĕн 25-мĕшĕнче Çĕмĕрле районĕнчи Турхан ялĕнчи Олимп вăййисен чемпионĕ В.Ярды ячĕллĕ физкультурăпа культура комплексĕнче уçма палăртнă.

Çак кунсенче кашни районтах йĕлтĕрçĕсен, полиатлонистсен, хоккеистсен, конькипе чупакансен, шашкăлла тата шахмăтла вылякансен ăмăртăвĕсене ирттереççĕ. Республикăри финалта спорт вăййисен программине çавăн пекех шывра ишессине, кире пуканĕ йăтассине, доярсен, механизаторсен тата спорт çемйисен ăмăртăвĕсене кĕртнĕ.

- Республикăри яваплă мероприятие хатĕрленсе ирттерес тĕлĕшпе эпир çĕнĕ çулчченех ĕçлеме пуçланă. Турхан ялĕнчи хоккей площадки йышши паян хуласенче те сахал. Механизаторсен ăмăртăвĕсене кÿршĕллĕ Кĕçĕн Тăван ялĕ çумĕнчи уйра ирттеретпĕр. Шывра ишекенсене вара Çĕмĕрлери «Олимп» спорт керменĕн бассейнĕнче кĕтеççĕ, - тет район администрацийĕн пуçлăхĕ В.Мурашкин.

П.Сидоров.