Публикации » Çирĕп те паха

Шупашкарта «Гален» предприяти йĕркеленни вунă çул ытларах çеç. Малтанах вăл базальтопластикрен строительство валли арматура кăларнă. Çĕршыври кризиса пула компани сăрт-ту тата нефть отраслĕсем енне çул хывнă. Нефть уçлакан насусăн кĕленче пластик штангине хатĕрленĕ. Халĕ вара пысăк пĕлтерĕшлĕ продукци - шахта тĕревĕ «крепь» - тăвать. Çĕр кăмрăкĕ кăларнă çĕрте хăрушсăрлăха çирĕплетме кирлĕ хатĕрĕн пĕлтерĕшĕ паян çав тери пысăк. Ара çĕршыври шахтăсенче чуна кисретнĕ аварисем халĕ те асрах-çке.

Анкер «шахта» тĕревĕпе руда, çĕр кăмрăкĕ кăларнă çĕрте усă кураççĕ. Ăна компани специалисчĕсем туса хатĕрлеме тытăннă. Унăн пахалăхне Кузбасри çĕр кăмрăк бассейнĕнче те, Междуреченскри «Большевик» шахтăра та тĕрĕслесе пăхнă. Ун хыççăнах «Роснано» корпорацин çамрăксен премине тивĕçнĕ вăл.

Проектсене пурнăçа кĕртме «Галена» асăннă корпораципе çыхăну тытни пулăшать.