03 ноября 2010 г.
Çак кунсенче Мускавра РФ Ял хуçалăх министерствипе ЧР Министрсен Кабинечĕ федераци бюджетĕнчен Чăваш Ене ял çыннисен пурăнмалли çурт-йĕрне лайăхлатма 40 млн тенкĕ хушма укçа уйăрасси пирки килĕшÿ алă пуснă. Çав шутра 20 млн тенкĕ - çамрăк çемьесемпе специалистсене çурт-йĕрпе тивĕçтерме. Çакă ялта пурăнакан 170 çемьене пулăшĕ.
2010 çулта федераци бюджетĕнчен ялта пурăнакансен çурт-йĕр условийĕсене лайăх-латма, çав шутра çамрăк çемьесемпе специалистсем валли те, 70 миллион тенкĕ куçнă «хальхи 40 млн тенке шутламасăр», республика бюджетĕнчен 62,33 миллион тенкĕ уйăрма палăртнă. Кăçал çурт-йĕр тума «туянма» социаллă пулăшу парасси пирки 299 свидетельство алла тыттарнă.
Çакна палăртмалла: 2003 çултанпа республикăна федерацин «2012 çулччен яла социаллă аталантарасси» тĕллевлĕ программипе 820,1 млн тенкĕ çитнĕ, çав шутра граждансемпе çамрăк специалистсен пурăнмалли условийĕсене лайăхлатма - 479,4 млн тенкĕ. 3400 çемье ялти çурт-йĕрне лайăхлатма пултарнă. Çав шутра «АПК аталанăвĕ» наци проекчĕпе - 1017 çамрăк çемьепе специалист.