Публикации » Пушара хирĕç

ЧР Президенчĕ М.Игнатьев «Чăваш Республикинче пушар хăрушсăрлăхне тивĕçтерес тĕлĕшпе пурнăçламалли хушма мерăсем çинчен» Указа алă пуснă.

Министрсен Кабинетне республика территорийĕнче пушар хăрушсăрлăхне юрăхлă шайра тытса тăма кирлĕ мерăсем туса хатĕрлеме хушнă. Указра вăрмансенче пушарсем тухасран тата сарăласран сыхланмалли, асăрхаттармалли, вĕсене вăхăтра асăрхамалли тата пуçламăш тапхăртах сÿнтермелли тытăм йĕркелемеллине палăртнă. Пушар тÿрех сарăлса ан кайтăр тесен чăрмавсем пулмалла, вăрман хуçалăхне ирĕклĕ кĕрсе çÿреме çул-йĕр тумалла, киввине юсамалла, хăйсен ирĕкĕпе пушар сÿнтерме хутшăнакансен ушкăнĕсене йĕркелемелле, вĕсене пулăшса тăмалла. Унсăр пуçне Указпа килĕшÿллĕн Чăваш Республикин пушара хирĕç кĕрешекен службин тата Чăваш Республикин çут çанталăк ресурсĕсемпе экологи министерствин «Вăрманти пушар служби» республика патшалăх учрежденийĕнче çĕнĕ подразделенисем йĕркелемелле, вĕсене техникăпа тивĕçтермелле.

Федераци влаçĕн ĕç тăвакан органĕсемпе килĕшсе Чăваш Ен территорийĕнче пушарсене пула пĕтнĕ вăрмансене çĕнĕрен чĕртмелли план туса хатĕрлĕç. Çавăн пекех вăрмансене пушарсенчен сыхламалли тĕллевлĕ программа çирĕплетĕç. Çак Указа пурнăçлама республика бюджетĕнчен укçа-тенкĕ уйăрĕç.