08 октября 2010 г.
Психика сывлăхĕн кунне Пĕтĕм тĕнчери федераци пуçарăвĕпе тата Пĕтĕм тĕнчери сывлăха сыхлас ĕç организацийĕ пулăшнипе 1992 çултанпа паллă тăваççĕ. Кăçал вăл «Сывă чунсăр сывлăх çук» девизпа иртет.
Чун сывă пулсан вĕренÿре те, ĕçре те, спортра та, çемье пурнăçĕнче те çитĕнÿ тăватăн, килĕнÿ илетĕн.
Октябрĕн 9-мĕшĕнче сиплевпе диагностика уйрăмĕнче, унчченхи республикăри психотерапи центрĕ, «Уçă алăксен кунне» ирттереççĕ. Çак кун кăмăл тăвакансем тÿлевсĕрех компьютерпа психологи консультацийĕ, психотерапевт, психолог, терапевт пулăшăвĕ илме пултараççĕ. Сиплевпе диагностика уйрăмĕ çак адреспа вырнаçнă:
Шупашкар хули, К. Иванов урамĕ, 20-мĕш çурт. 22-мĕш автобуспа е 62 тата 36№ маршрутлă таксипе «Введенски собор» чарăнăва çитмелле. Ыйтса пĕлмелли телефонсем: регистратура - 58-53-41; шанăç телефонĕ: 58-01-29, 58-31-31.