18 августа 2010 г.
Халăх çыравĕ - патшалăхăн çывăх 10 çулти социаллă пурнăçĕпе экономика политикине палăртакан мероприяти. Çырав пĕр вăхăтра кашни регионта иртет, Раççейре пурăнакансемшĕн пысăк усă кÿрет. Мĕншĕн тесен ăна статистика отчечĕ тата тĕрĕс кăтартусем пухассишĕн кăна ирттермеççĕ. Çырав кăтартăвĕсене кура социаллă программăсемпе проектсем йĕркелеççĕ, общество аталанăвĕн çул-йĕрне палăртаççĕ. Пысăк пĕлтерĕшлĕ политика мероприятине эпир те тÿпе хывма, тÿрремĕнех наци акцине хутшăнма пултаратпăр. Мĕнле;
18 çул тултарнă граждансен 2010 çулхи августăн 31-мĕшĕччен ăмăртăва хутшăнса çырав талисманне ÿкермелле. Талисман асра юлмалла, хăйне евĕр пулмалла, кăмăла çĕклемелле. Вăл чĕр чун, çын е шутласа кăларнă юмахри сăнар пулма пултарать. Чи кирли - талисман перепиçпе çыхăнтăр. Пĕтĕм Раççейри халăх çыравĕн талисманне малашне реклама-информаци продукцине хатĕрленĕ çĕрте, халăхра ăнлантару ĕçĕпе çыхăннă агитациллĕ мероприятисенче усă курĕç. Çĕнтерÿçĕ çĕршывĕпех палăрĕ. Ячĕ халăхра сарăлнисĕр пуçне укçан приз пулĕ. Çĕнтерÿçĕ - 30 пин тенке, иккĕмĕш вырăна йышăнакан 20 пин тенке тивĕçĕ. Лайăххисене вара хамăрах палăртăпăр, сасăласа суйласа илĕпĕр.
Тĕплĕнрех ăмăрту пирки Пĕтĕм Раççейри халăх çыравĕн сайчĕ çинче «WWW. perepis _ 2010. ru» пĕлме пулать.