24 марта 2010 г.
Учитель çулталăкне халалланă çĕнĕ марка эскизĕн Пĕтĕм Раççей конкурсĕ вĕçленсе пырать. Пирĕн республикăран Мускава пĕтĕмпе 9 ĕç ярса панă. Вĕсен авторĕсем: Ольга Михайлова «Йĕпреç районĕ, Пучинке», Женя Рябчикова «Пăрачкав ача çурчĕ», Валерий Никифоров, Арслан Разин, Аня Соколова, Миша Числов, Максим Яковлев «пурте Шупашкар шкулĕсенче вĕренекенсем» тата икĕ «профессионал» – Людмила Илларионова студенткăпа «Чăваш культурăпа искусство институчĕ» Ирина Наумова преподаватель «Шупашкарти Мускав районĕн ача-пăча пултарулăх çурчĕ». Çак уйăхра марка эскизĕсене федераци шайĕнче хаклаççĕ, ачасемпе аслисен хушшинче виçшер номинанта палăртаççĕ.
Вырăнти почта ведомствин пресс-служба ертÿçи Оксана Иванова пĕлтернĕ тăрăх, апрельте конкурс учредителĕсен сайчĕсенче «russia npost. ru, çавăн пекех minsvyaz. ru тата marka art. ru» уçă сасăлав иртмелле. Унăн кăтартăвĕсене çĕнтерÿçе палăртнă чух шута илеççĕ.
Октябрь пуçламăшĕнче, Учитель кунне уявланă чухне, çак почта марки çине хăйне евĕр штемпель лартĕç.
Е.Михайлова.