02 декабря 2009 г.
Шупашкарта пурăнакан Николай Игнатьевичпа Александра Михайловна Игнатьевсем анчахрах хăйсен ылтăн туйне уявларĕç. Çавна май вĕсене ывăлĕ-хĕрĕ, мăнукĕсем, тăван-хурăнташĕ саламларĕç.
Кил хуçи 1937 çулта Шупашкар районĕнчи Шанар ялĕнче çуралса ÿснĕ. Ĕмĕрĕпех тĕп хулари агрегат заводĕнче вăй хунă. Ĕçри ÿсĕмсемшĕн тĕрлĕ парнене, Хисеп грамотисене тивĕçнĕ.
Мăшăрĕ Александра Михайловна та асăннă районтанах, Илпеш ялĕнчен. Çамрăклах Шупашкарти пир-авăр комбинатне ĕçе кĕнĕ те тивĕçлĕ канăва тухичченех унта тăрăшнă. Вăл _ ĕç ветеранĕ.
Туслă мăшăр ывăлпа хĕр çитĕн-тернĕ. Паянхи кун пилĕк мăнукĕпе, мăнукĕсен икĕ ачипе савăнаççĕ.
Сумлă уява йĕркелеме Игнатьевсене Шупашкар хула пухăвĕн депутачĕ В.Федоров чылай пулăшу кÿнĕ. Хула мэрĕ Н.Емельянов вара юбилярсене пысăк тортпа, парнесемпе чысланă.
В. Николаева.