02 декабря 2009 г.
Шупашкарти Ленин районĕн прокуратури асăннă район территорийĕнчи хăш-пĕр организацире граждансене ĕç укçи вăхăтра тÿлес йĕркене мĕнле пăхăнни пирки тĕрĕслев ирттернĕ, шалупа вăхăтра тивĕçтерменнине тупса палăртнă.
Сăмахран, «С.Б.Р.» «Харпăрлăх сыхлав предприятийĕ» тулли мар яваплă пĕрлешÿре 2009 çулхи ноябрĕн 16-мĕшĕ тĕлне 96 ĕçлекен умĕнчи шалу парăмĕ 1433533 тенке çитнĕ. Çавăн пекех акционерсен «Стройдормаш» Шупашкар завочĕ» уçă обществăра, «Чебоксарыгазстрой» тулли мар яваплă пĕрлешÿре те йĕркене пăснине тупса палăртнă.
Çавна май район прокуратури асăннă пĕрлешÿсенчи ĕçлекенсен интересĕсене хÿтĕлесе суда ĕç укçине шыраса илес шутпа суд приказĕ кăларни пирки заявленисем ярса панă.
Вăйра тăракан ĕç законодательствине пăснăшăн асăннă организацисен ертÿçисене административлă явап тыттарнă.
Район прокуратури çак организацисен пуçлăхĕсен ячĕпе ĕç законодательствине пăснă тĕслĕхсене пĕтерес тата айăплисене ĕçри тивĕçĕсене пурнăçламаншăн явап тыттарас тĕлĕшпе представленисем ярса панă.
М.ЛЕВШИНА,
Ленин район прокурорĕн пулăшаканĕ, 3-мĕш класлă юрист.