09 сентября 2009 г.
Çынсене тÿлевсĕр ĕçлеттерме юратакан пуçлăхсемпе право органĕ çине тăрсах кĕрешет-ха, анчах саккуна пăсакансем тупăнсах тăраççĕ. Куславкка районĕнчи Автофургонсен комбиначĕ тулли мар яваплă пĕрлешÿ акă вунă çынна 161 пин тенкĕ парса çитереймен. Ĕç саккунне пăхăнман директора çитменлĕхсене пĕтерме ыйтса представлени тăратнă.
«Шупашкар аш-какай комбиначĕ» тулли мар яваплă пĕрлешÿн коллективĕ пысăк пулнă май шалу парăмĕ те хăмпă пек хăпарса кайнă. Август вĕçнелле вăл икĕ миллион тенке кармашнă. Е. Карабулин гендиректорăн та административлă явап тытма тивнĕ. Анчах тепринче çакăнпа кăна хăтăлса юлĕ-и;
Шупашкар районĕнче те ĕç çыннисене тÿлевсĕр тар тăктарма кăмăллаççĕ-мĕн. «Утес» санаторире акă июнь уйăхĕшĕн те ĕçченсемпе ниепле вăхăтра татăлайман. А. Федоров директора административлă явап тыттарма ĕç пуçарнă.