Публикации » Иккĕлентерекен япалана курсан мĕн тумалла?

Анчах та асра тытăр: хăвăр кирек ăçта пулсан та, хăть мĕнле иккĕленÿллĕ япала асăрхасан та сирĕн тĕллевĕр - кирлĕ çĕре пĕлтересси. Хăвăр тĕллĕн нимĕн те ан тăвăр, шанчăксăр япалана ан тĕкĕнĕр. Ăнланăр, унпа малалла мĕн тăвасси чи ăста профессионалсен ĕçĕ. Унсăрăн пурнăçăра пысăк хăрушлăха кĕртсе ÿкерме пултаратăр. Эсир тупнă, кирлĕ çĕре пĕлтернĕ, халĕ инçетерех кайăр та кĕтĕр. Сире тем пулсан та пулăшусăр хăвармаççĕ.

Иккĕленÿллĕ япалана эсир ресторанта, кинотеатрта е клубра асăрханă тейĕпĕр. Вĕсенче яланах хурал, хăрушсăрлăх служби пур. Тÿрех вĕсене систерĕр. Вĕсем çак лару-тăрура мĕнле пулмаллине лайăх пĕлеççĕ.

Транспортра хуçасăр сумка е ытти япала курсан водителе «машиниста» пĕлтерĕр. Сумка пушă иккенне, ăна кам манса хăварнине пĕлсен те водителе систерĕр. Анчах та хăвăр тĕрĕслеме ан хăтланăр. Ку вăл профессионалсен ĕçĕ.

Шанчăксăр япалана урамра тупсан, анчах çывăхра власть представителĕсем çук пулсан, ун çинчен телефонпа пĕлтермелле. Сирĕн шăнкăрава кирек мĕнле питĕ васкавлă служба та йышăнĕ.