Публикации » Юрăхсăр тавар

Раççей ял хуçалăх асăрхавĕн Чăваш Республикинчи управленийĕ тĕрĕслеве тухни те çакăнпах çыхăннă. Акă Шупашкарта «Фиалка» суту-илÿ çуртĕнче те Раççей территорийĕнче патшалăх регистрацине тухман «Новый Фас» пестицид ярăнтарнă. 2007 çултах усă курмалли срокĕ тухнă «Медветокс» пестицид та сентре çинче выртнă. Ватă çынсем ăна-кăна тавçăраймĕç, туянĕç тенĕ-ши;

Шупашкарти А. Васкинеева пайтаçă та Раççейре сутма ирĕк паман, патшалăх регистрацийĕ витĕр тухман «Муравьед», «Гризли» пестицидсене сентре çине сарса хунă. «Нитроаммофоска», «Азофоска» агрохимикатсене 1 килограмлă пакетсене вырăнтах тултарса сутнă. Вĕсене вара химикатсемпе ĕçлекен предприятисен кăна чĕркеме юрать. Апла пайтаçă пĕлсех йĕркене пăснă; Айăплисене явап тыттарма административлă ĕç пуçарнă. Туянакансене те малашне тимлĕрех пулма сĕнес килет. Ниме тăман таварпа пайтаçăн кĕсйине мĕншĕн хулăнлатас; Тата юрăхсăр япала сиенлĕ.