Публикации » Улатăрсем – хастарсем

20 мая 2011 г.

«Ачалăхшăн, ачалăх ячĕпе» марафон вĕçленесси эрне ытларах çеç юлчĕ. Пухмачра хальлĕхе пилĕк миллион ытла укçа. Халăх нимине хутшăнса Шупашкар хула администрацийĕн вĕренÿ управленийĕ 33 пин тенкĕ куçарнă. Çĕнĕ Шупашкарти 9-мĕш номерлĕ шкулпа Чăваш кĕнеке издательстви ачасене вĕренÿ кĕнекисем парнеленĕ. Республикăри кардиодиспансер, иккĕмĕш хула пульници, сывлăх, ял хуçалăх, строительство министерствисем те çак ырă ĕçе хăйсен тÿпине хывнă, 12-29 пин тенкĕ таран куçарнă. Районсемпе район центрĕсенчен чи нумай укçа-тенкĕ куçараканни – Улатăр районĕ «300 пин тенке яхăн». Ырă ĕç тума вăхăт пур-ха. Пуçаруллисен тĕслĕхĕ ыттисене те хавхалантарсан тем пекехчĕ.