АУ Чувашской Республики "Издательский дом "Атăл-Волга" Минкультуры ЧувашииОФИЦИАЛЬНЫЙ САЙТ
Орфографическая ошибка в тексте

Послать сообщение об ошибке автору?
Ваш браузер останется на той же странице.

Комментарий для автора (необязательно):

Спасибо! Ваше сообщение будет направленно администратору сайта, для его дальнейшей проверки и при необходимости, внесения изменений в материалы сайта.

Новости » «Атăл-Волга» издательство çурчĕн хисеплĕ ĕçченĕсем!

00:00 27 апреля 2011 г.

«Хресчен сасси», «Вести Чувашии» хаçатсен, «Тăван Атăл» журналăн, «Чăваш Республикин саккун йышăнăвĕн пуххи» хыпар бюллетенĕн редакцийĕсен хаклă сотрудникĕсем!

Эпĕ сире хăвăрăн кăларăмсен юбилейĕпе чун-чĕререн саламлатăп!

Çак икĕ вунă çул тапхăрĕнче «Хресчен сасси» хаçат республика халăхĕшĕн çирĕп тус та ырă канашçă пулса тăчĕ. «Атăл-Волга» издательство çурчĕн талантлă профессионалсенчен чăмăртаннă ушкăнран кашнийĕ çивĕч сăмах туйăмлă. Хăвăр çырнинче эсир хальхи вăхăтри çав тери пĕлтерĕшлĕ темăсене хускататăр, халăха кулленхи пурнăçри канăç паман ыйтусене тивĕç хурав тупма пулăшатăр. Чи пахи – сирĕн кăларăмсенче кашни вулакан хăйне валли кирлине тупма, çĕннине уçма пултарни.

«Тăван Атăл» журнал юлашки çулсенче тĕпрен улшăнчĕ, вулаканшăн кăсăклăрах та усăллăрах пулса тăчĕ. Çĕнĕрен те çĕнĕ литература хайлавĕсемпе критикăпа тишкерÿ статйисем, экспертсемпе тĕпчевçĕсен шухăшĕсем, ăнлантарăвĕсем ытларах пичетленме пуçларĕç.

Республикăн саккун йĕркеленĕвĕнчи улшăнусемпе çĕнĕлĕхсене, право акчĕсен нормативĕсене официаллă майпа пичетлесе тăракан «Вести Чувашии» хаçатпа «Чăваш Республикин саккун йышăнăвĕн пуххи» бюллетень ĕçченĕсене уйрăммăн тав тăватăп. Информацие вулакан патне тĕрĕссĕн тата çийĕнчех çитерни – акă мĕншĕн хаклатпăр эпир ку кăларăмсене.

Кулленхи хавхалануллă ĕçĕршĕн, пултарулăхри маттурлăхшăн пурсăра та чунтан тав тăватăп! Сире çирĕп сывлăх, çĕнĕ çитĕнÿсем, хастарлăхпа ăнăçу тата телейпе юрату сунатăп!

М.Игнатьев,

Чăваш Республикин Президенчĕ.

Мой МирВКонтактеОдноклассники
Система управления контентом
TopList Сводная статистика портала Яндекс.Метрика